ROXAS CITY-Patay ang 12-anyos nga dalagita matapos nga ginaalegar ginsumbag sa suloksulok sang iya kaugalingon nga igsuon sa Barangay Libas, Roxas City.
Ginkilala ang biktima nga si alyas Ella residente sang nasambit nga lugar.
Sa interview sang Bombo Radyo kay Alyas Dimple nga nagpaligo sila kaupod ang iban nga mga kabataan kag naghampang sang lumsanay sa suba.
Apang ginaalegar nga napikon ang 10 katuig nga lalaki nga igsuon sang biktima, kag nagpanghangkat sang sumbaganay.
Ginpahayag ni Dimple nga nagbato pa si Alyas Ella sa suspetsado apang hinali ini nga nalipong matapos nga ginsumbag sang makaduha ka beses ang iya nga sulok-sulok.
Gindala pa sa ospital ang biktima apang gindeklarar na nga dead on arrival.
Samtang, suno naman sa amay sang biktima nga si Leonardo Ignacio, wala nakapanyaga ang iya anak kag may yara ini sang ginasuprehir nga balatian sa tagipusuon ukon korason.
