12 ka mga indibidwal, pilason sa nagluntad nga aksidente sa isa ka rides sa peryahan sa probinsya sang Pangasinan

Pilason ang 12 ka tawo matapos nga nag-malfunction ang rides nga ila ginasakyan sa isa ka peryahan sa banwa sang San Jacinto, Pangasinan.

Base sa imbestigasyon, ginabanta 30 ka mga tawo nga nagasakay sa rides ang nagasinadya sang hinali nga nag-untat ang isa ka bahin sini.

Gindala sa ospital ang mga pilason nga biktima.

Wala naman naglaum ang mga trabahador ang peryahan nga may matabo nga aksidente bangud nagpatigayon na sila sang inspection antes ang nasambit nga operasyon sang mga rides.

Ginpasalig naman sang operator sang peryahan nga ini ang magabayad sang medical expenses sang mga napilasan nga biktima.