Makahalanusbo ng gindangatan sang 12 ka mga myembro sang isa ka pamilya sa Gibitngil, Medellin matapos gin-report nga nagasuprer ang mga ini sang mental distress kasunod sang 6.9 magnitude nga linog nga nag-igo sa northern Cebu sang Setyembre 30.
Nagpatigayon sang Psychological First Aid ang Rural Health Unit sang Medellin kaupod ang medical team halin sa Manila agud makalikaw ang apektado nga myembro sang pamilya sa paghimo sang mga butang nga magahatag san peligro sa ila kabuhi.
Suno sa Medellin Municipal Police Station, nakabaton sila ang tawag gikan kay Gibitngil Barangay Captain Monina Monato nga nagapangayo ang bulig matapos magpakita sang senyales sang severe mental distress ang pila ka mga myembro sang Christian church.
Ginpahayag ni Police Major Manuel Cabanlit, hepe sang Madellin Police, nga gilayon sila nga nag-responde upod ang mga personnel kag local government unit kag Municipal Social Welfare and Services Office (MSWSO).
Sa ila pag-abot, nadangtan nila ang 12 ka mga myembro sang pamilya lakip na ang walo ka tuig nga bata kag ang nagabusong nga babaye nga ginaalegar indi maistorya sang maayo kag nagapakita sang senyales nga mag-utas sang ila kabuhi.
Pahayag naman ni Rene Barro, presidente sang religious group, wala na nagakaon ang bilog nga pamilya humalin sang Oktubre 1 bangud sa trauma gikan sa linog.
Ginaalegar nga ang mga food packs nga nabaton sang pamilya ang ginhaboy nila sa dagat kag ang iban nga myembro ang nagpabutyag sang suicidal thoughts.
Ang bilog nga pamilya subong ang ginahatagan na sang igtalupangon kag pagbulong.
