Pormal na nga gintugyan sa 12 ka pamilya nga nasunugan sa Barangay 8 ang housing units sa Tanza Ville nga mangin ila bag-o nga puluy-an.
Ang mga housing units pagaistaran sang mga pamilya samtang nagabangon sila halin sa mabug-at nga pagpanghangkat matapos nga nadula ang ila mga pagkabutang kag mga tinipigan bangud sa sunog.
Upod sa mga opisyales sang Barangay 8, mainit man nga ginbaton sang komunidad sa housing area ang mga benepisyaryo kag mga opisyales sang Barangay Tanza.
Ginpahayag man nga kinahanglan amligan kag atipanon sang maayo sang mga benepisyaryo ang mga puluy-an nga gintugyan sa ila.
May yara man sang dugang nga pinansyal nga bulig nga magamit sang mga pamilya para sa pagpanami sang ila mga balay kag pagbakal sang iban pa nga importante nga kinahanglanon.
Nagpahayag sang kalipay kag pagpasalamat ang isa sa mga fire victims bangud may yara na sila sang lugar nga ila mapasilungan kag maistaran samtang nagapadayon sila sa pagbangon.
