ROXAS CITY – Nagbaton sang P4,500 nga ayuda nagikan sa Department of Labor and Employment (DOLE) pinaagi sa Tulong Panghanapbuhay sa Ating Disadvantaged/Displaced workers (TUPAD) program, para sa sektor sang mangunguma nga taga syudad sang Roxas.
Sa interview sang Bombo Radyo kay Ms. Caroline Dadivas, PESO-Roxas City head, ginsiling sini nga madasig ang pag-download sang pondo, bangud sang una nga semana sang Oktubre lang ang mga ini nagsugod sa napulo ka adlaw nga pagtrabaho, kag sang Biyernes nag-abot na ang amu nga pondo.
Nagbaton ang 1,219 tanan ka mga benepisyaryo sang amu nga ayuda.
Ginpahayag man ni Dadivas nga indi sang cash ang ila gin-release, kundi ginpapila ang mga ini sa Dinggoy Roxas Civic Center kag diri ginkuha ang Reference number nga kinahanglan sa pag-claim sang kwarta sa remittance center.
Ginklaro man sini nga ang mga hubin nga nagapila sa payout ang mga representante sang mga senior citizen nga mangunguma.
Samtang, sa interview sang Bombo Radyo kay David Cuñada, DOLE coordinator, nga suno diri nga may palaabuton man nga payout para sa mga fisherfolks, kag pag-abot sa listahanay gintugyan nila ini sa LGU.
