ROXAS CITY – Kabug-usan nga 123 ka mga indibidwal ang narekord nga mga curfew violators sa probinsiya sang Capiz samtang yara sa idalom sang Enhanced Community Quarantine (ECQ) bangud sang coronavirus disease (COVID-19) pandemic.
Ini ang sandig sa pinakaulihi nga datos nga nakuha sang Bombo Radyo sa Capiz Police Provincial Office.
Sa kabug-usan nga 123 ka mga violators, 99 diri ang narekord sa premier-distrito sang probinsiya samtang 24 naman sa segundo-distrito.
Sa nasambit nga numero, 116 diri ang mga kalalakinhan samtang 7 naman ang mga kababainhan.
Nahibaluan pa nga 114 diri ang yara sa legal nga pang-edaron samtang may 9 sa mga ini ang lunsay menor-de-edad.
Mahibaluan nga hugot sa karon nga ginapatuman ang curfew hour sa bilog nga probinsiya sandig sa Executive Order No. 11, series of 2020, nga ginpapanaog ni Capiz Governor Esteban Evan ‘Nonoy’ Contreras.
