ILOILO CITY – Opisyal nga ginbuksan ang ika-12 nga Iloilo Bike Festival paagi sa Bike-to-Work Day ride nga nagpakita sang padayon nga suporta sang syudad sa active mobility kag sustainable transportation.
Ang aktibidad nagsugud sa Garden Atrium sang Festive Walk Mall, ginlakipan sang kapin ka 700 nga siklista lakip na ang empleyado kag opisyal sang Iloilo City Government.
Nagpatigayon sang ceremonial ride sa nagkalain-lain nga dalan sang syudad ang mga partisipante antes ang opening program sang pista.
Ginpangunahan ang pagbukas ni Assistant Festival Director kag Executive Assistant Jay Treñas upod sa mga miyembro sang Iloilo Bike Council.
Nagtambong man bilang bisita si MMDA General Manager Nicolas Torre III.
Suno sa mga organizer, ginatuyo sang festival nga mapadasig ang mas madamo nga Ilonggo sa paggamit sang bisikleta bilang luwas, praktikal kag environment-friendly nga pamaagi sang pagbiyahe.
