Nasapwan nga patay na sa isa ka candoni, Negros Occidental ang bangkay sang 13-anyos nga dalagita nga wala nakapauli matapos nga ginsugo nga magbakal sang ilimnon kag ice sa isa ka tindahan.
Suno sa report, nasapwan ang bangkay sang biktima sa Barangay West sadtong Abril 27, 2027 sang mga pumuluyo sa amo nga lugar.
Base sa imbestigasyon sang mga otoridad, may pilas sa agtang ang dalagita, naka-leggings, kag nakapaibabaw na ang bayo sini.
Suno kay Police Captain Leonel Adoracion, hepe sang Candoni Municipal Police Station, nagahamyangon ang biktima sa tunga sang talamnan sang tubo sang nasapwan ini nga fully clothed.
Ginapahayag nga posible matig-a nga butang ukon kutsilyo ang gingamit sang suspek.
Sa subong, padayon pa ang imbestigasyon sang kapulisan angot sa insidente.
