Pilason ang 13-anyos nga estudyante matapos ginapahayag aksidente nga nabunguan sang motorsiklo sa Barangay Adlawan, syudad sang Roxas.
Ginkilala ang biktima kay alyas “Rose”, residente sang nasambit nga lugar, samtang ang driver naman sang motorsiklo ang ginkilala kay alyas “Jay”, 39-anyos residente sang Barangay New Guia, Maayon, Capiz.
Sa nakuha nga impormasyon sang Bombo Radyo nagikan sa Roxas City PNP, ginpahayag nga samtang nagatabuk ang biktima padulong kun tani sa eskwelahan sang aksidente nga nabunguan sang motorsiklo nga ginamaneho ni Jay.
Bangud sa natabo, nag-angkon sang minor nga pilas sa magkatuhay nga parte sang lawas ang biktima nga gilayon naman nga ginrespodehan sang Capiz Emergency Response Team kag ginpadangat sa ospital.
Sa karon, yara na sa kustodiya sang Roxas City Police Station ang nasambit nga behikulo kag ang driver para sa nagakaigo nga disposisyon.
