ROXAS CITY – Yara na sa 13 ang narekord nga grassfire nga nagluluntad sa nagkalain-lain nga kabarangayan sa syudad sang Roxas humalin Enero tubtob Marso, 2024.
Ini ang sa mga lugar sang Barangay Lawaan, Dinginan, Gabuan kag Pueblo de Panay.
Suno kay Senior Fire Officer 1 (SFO1) Reynold Agda, Chief Intelligence and Investigation Section sang Roxas City Bureau of Fire Protection (BFP) nagaguwa sa imbestigasyon nga masami ginatunaan sang grassfire amu ang mga upos sang sigarilyo.
Pahayag sini, madasig maglapta ang kalayo ilabi na nga mainit ang panahon kag nag-uga na ang mga gamhon sa palibot.
Masuwerte naman nga wala sang nabalhag nga damage bangud sa nasambit nga insidente.
Paalinton ni Agda sa publiko nga likawan ang paghaboy sang mga upos sang sigarilyo bisan diin bangud posible ini tunaan sang sunog.
