Ginapaabot sang PAGASA nga may 13 ka lugar sa Pilipinas ang makaeksperyensya sang “danger level” nga heat index subong nga adlaw, Mayo 2, 2026.
Base sa ila forecast, ang heat index sa sini nga mga lugar magalab-ot sa tunga sang 42°C tubtob 44°C, nga ginakabig delikado sa lawas sang tawo.
Nanguna ang Dagupan City, Pangasinan nga ginapaabot mag-abot sa 44°C, samtang yara naman sa 43°C ang pila ka lugar pareho sang Laoag City kag Sinait sa Ilocos, pati Aparri sa Cagayan kag Virac sa Catanduanes.
Samtang ang iban nga lugar pareho sang Tuguegarao City, Cavite City, kag Cotabato City ginapaabot naman nga mag-abot sa 42°C nga heat index.
Suno sa PAGASA, ang “danger level” nga heat index nagakahulugan nga posible makabatyag sang heat cramps kag heat exhaustion, kag kon madugangan pa ang exposure sa init mahimo ini magresulta sa heat stroke.
