Kumpirmado nga 13 ang patay matapos ang mabaskog nga paglupok sa pinakadako nga liquefied natural gas (LNG) facility sa Ras Laffan industrial zone sa Doha, Qatar.
Suno kay Qatari Energy Minister Saad Sherida al-Kaabi, ang mga biktima ang naghalin sa India kag Pakistan.
Nagpalab-ot naman sang pagpakig-unong ang Embassy of India sa mga namatyan nga pamilya sa paglupok kag nagpasalig sang tanan nga kinahanglanon nga bulig sa ila subong man sa mga napilasan.
Sa subong, nagapadayon ang imbestigasyon sa gintunaan sang paglupok, apisar pa nga una na nga ginreport nga ang Barzan local gas supply facility nag-angkon sang “technical accident” samtang nagasugod pa lang ini sang iya operasyon, pagkatapos nga ginpauntat sang Marso bangud sang malapad nga kahalitan nga naangkon sini sang giyera sa Middle East.
