-- ADVERTISEMENT --
ROXAS CITY – Nagapabilin sa kustodiya sang Bantay Dagat sa banwa sang Pilar, Capiz ang anom ka mga sakayan matapos nga nadakpan nga nagapatigayon sang iligal nga pagpangisda sa baybayon sang Pilar, Capiz.
Kalakip sa mga nadakpan amo sanday Mani Mahinay, Wilmar Bile, Roldan Padeos, Nhoa Belis, Rex Casman, Sherwin Casmen, Alberto Villamor, Mhico, Melchor Flores, Jerry Bandojo, Joebert Babac, Ruzzel Flores kag Roberto Babac.
Narekober naman sa posisyon sang mga arestado ang mga fishing paraphernalia’s nga ginamit sang mga ini sa pagpatigayon sang iligal nga pagpangisda.
Sa karon, nakahunong na sa karsel sang Pilar Municipal Police Station ang mga nagkaladakpan.
