ROXAS CITY – Samtang nagakahangawa ang bilog nga kalibutan sa novel coronavirus gikan sa China, isa pa ka virus nga gikan sa baboy ang nagresulta sa kamatayon sang 13 ka mga indibidwal sa Taiwan.
Ini ang ginpahayag ni Bombo International Correspondent Agnes Berber Onasin, tumandok sang Capiz kag isa ka Overseas Filipino Worker nga nakaba-se karon sa Taichung, Taiwan sa iya report sa Bombo Radyo Roxas.
Suno diri magluwas sa nCoV, mas ginakulbaan sila sa nagalapta nga H1N1 virus ukon mas kilala bilang swine flu bangud nakapagkit na sang casualties ang Centers for Disease Control (CDC) sa nasambit nga pungsod.
Ang mga napatay nga biktima ang nagaedad sang 47 tubtob 97 anyos kalakip diri ang isa ka babaye nga masobra 80 anyos na ang edad.
Mahibaluan nga nagalab-ot naman sa masobra 116, 000 ka mga indibidwal ang nagpaidalom sa pagbulong matapos nga makitaan sang sintomas sang swine flu.
Mahibaluan nga ang swine flu ang ginahalinan sang flu infection sa mga residential community sa Taiwan.
