ROXAS CITY – Target sang Department of Social Welfare and Development (DSWD) Region-VI nga maakomodar ang kapin 1,301 ka mga students-in-crisis sa probinsya sang Capiz.
Sa interview sang Bombo Radyo kay Atty. May Rago-Castillo, tagpamaba sang DSWD-VI, ginpahayag sini nga sa gihapon, may apat ka mga payout venues sa Capiz, ini ang mga masunod kag ang numero sang target beneficiaries:
Payout venue 1 – President Roxas covered gym – 260
Payout venue 2 – Capiz Villareal Stadium – 820
Payout venue 3 – Cuartero covered gym – 128
Payout venue 4 – Sigma covered gym – 93
Suno pa kay Castillo nga target pa lamang ang nasambit nga numero, bangud may yara sa gihapon sang assessment nga ginapatigayon ang mga field staff sa mismo payout venue.
Sa gihapon, paalinton sang DSWD nga indi na magpadulong sa venue ang mga wala nakabaton sang text messages ukon e-mail kun sa diin nakabutang ang adlaw kag lugar sang payout, agud nga indi mausik ang ila pagpadulong, bangud istrikto sila sa ‘no text message/e-mail, no accommodation.’
Ginklaro man ni Castillo nga ini nga educational assistance ang para gid lamang sa mga kwalipikado nga estudyante sa programa, nagakahulugan nga kun employed ang ila ginikanan, indi sila makabig nga students-in-crisis.
