139 ka mga migrants, patay matapos nagkulob ang isa sakayan sa Africa; 84 ka iban pa nagapabilin nga missing

Indi magnubo sa 139 ka mga migrants, lakip ang 15 ka mga kabataan, ang napatay matapos nga nagkulob ang sakayan nga may sakay nga masobra 300 ka tawo sa baybayon sang Djibouti sa East Africa.

Suno sa International Organization for Migration, padulong kuntani sa Yemen ang sakayan sang naglugdang ini malapit sa Guhere, norte sa banwa sang Obock.

Ginapatihan nga isa sa mga rason sang pagkulob sang sakayan amo ang tuman kadamo nga pasahero.

Magluwas sa mga napatay, 84 pa ang missing samtang 82 ang nakaluwas sa insidente.

Padayon ang search and rescue operations sang mga otoridad sa Djibouti samtang ginahatagan naman sang medical assistance ang mga survivors sa isa ka rescue center sa Obock.