ROXAS CITY – Ginkompirmar sang alkalde sang banwa sang Pilar nga natapos na nila sag pagpanagtag ang mga relief goods sa mga kabaranggayan sa nasambit nga banwa.
Suno kay Mayor Arnold Perez nga ang 24 ka mga kabaranggayan sa nasambit nga banwa ang nahatagan na sang relief goods sa diin tanan nga mga pamilya ang nakabaton kag wala sang pinilian.
Suno diri nga kalakip sa food packs nga ila ginapanghatag sa kapin 13, 000 ka pamilya ang 4 kilo sang bugas, 4 ka de-lata kag bihon.
Ginpahayag sang alkalde nga ang pondo nga ila gingamit para diri ang gikan pa sa 3 milyones pesos nga sadto anay ginhatag ni Senador Christopher Bong Go para sa nasambit nga banwa.
Samtang nagpaathag naman ang alkalde natuhoy sa reklamo sang wala makilala nga netizen sa Facebook nga bukbukon ang bugas nga ginhatag sang LGU.
Suno sa kay Perez nga dapat magreklamo sa iya talatapan ang nagareklamo agud masukot ang mga barangay officials nga amo ang nagpanagtag sang mga bugas.
Nagapati si Perez nga ‘fake news’ ini bangud nagapati siya nga maayo nga klase sang bugas ukon well-milled rice ang ila ginpanghatag.
