Cebu City – Patay ang isa ka 14-anyos nga dalagita matapos mabungguan sang modern jeep kun sa diin gin-alegar nga nakatulog ang driver.
Sa kuha sang Close Circuit Television “CCTV”, makita sa video nga nagalakat ang grupo sang kabataan sa higad sang dalan sang matabo ang insidente.
Ginhagip sang naga-harurot nga modern jeep ang isa sa ila nga amo ang biktima.
Gilayon nga gindala sa ospital ang dalagita apang napatay ini bangud sang grabeng pilas.
Base sa imbestigasyon sang kapulisan, posible nga nakaidlip ang driver rason nga wala sini napansin ang biktima sa dalan.
Sa karon, yara na sa kustodiya sang Cebu City Police ang driver apang wala pa ini sang opisyal nga pahayag.
Samtang, determinado ang iloy sang biktima nga magpasaka sang kaso agud mabaton ang hustisya para sa iya anak.
