14-anyos nga dalagita, patay matapos mabungguan sang jeep

Patay ang 14-anyos nga dalagita matapos mabungguan sang moderno nga jeepney sa syudad sang Cebu.

Ginpahayag nga natulugan ang driver, rason nga nagluntad ang insidente.

Suno sa report, isa ka grupo sang mga pamatan-on ang nakit-an nga nagalakat sa kilid sang dalan sang nabungguan sang madasig nga jeep ang isa sa ila.

Gindala pa sa ospital ang biktima apang ginbawian man ini sang kabuhi.

Nagaguha sa imbestigasyon nga wala natalupangdan sang driver ang biktima matapos ginpahayag nga natulugan ini.

Wala pa nakahatag sang pahayag ang driver nga yara na sa kustodiya sang Cebu City Police.

Pursigido naman nga magdemanda ang iloy sang biktima.