Isa ka 14-anyos nga bata nga lalaki gikan sa Dallas, Texas, ang nagpamita snag abilidad pagkatapos makahimo sang isa ka smartphone app nga maka-diagnose sang heart disease sa sulod lamang sang pito ka segundo.
Si Siddharth Nandyala amo ang nag-ubra sang Circadian AI, isa ka makabag-o nga app nga artificial intelligence (AI) agud mabatian pitik sang heart sang isa ka tawo kag gilayon nga mahibaluan kon may problema sa cardiovascular system sang isa ka tawo.
Ang Circadian AI app ang gintestingan na sa masobra 15,000 ka mga pasyente sa U.S. kag 700 sa India, kag may 96% accuracy sa pagtukib sang heart disease.
Ginpresentar ni Siddharth ang iya imbensyon sa isa ka global summit sa Hyderabad, India kon sa diin ginpakita niya kon paano ang app makabulig sa mga komunidad nga wala sang nagakaigo nga access sa medical services.
Bangod sang iya kadalag-an, si Siddharth nakabaton sang pagdayaw gikan sa Indian government, nga nagsiling nga ang dedikasyon kag talento sang lamharon nga imbentor isa ka daku nga inspirasyon.
