ROXAS CITY-Suportado sang Sangguniang Panlalawigan ang 14-day moratorium para sa pagpapauli sang mga Locally Stranded Individuals, Authorized Person Outside Residence kag mga Returning Overseas Filipinos sa probinsiya.
Sa nangin pahayag ni Vice-Governor James Mitang Magbanua sa facebook ginpahayag sini nga pinaagi sa moratorium, mahagan-hagan ang pagtimbuok sang kaso sang COVID-19 sa probinsiya kag mahatagan sang dugang nga atensyon ang mga nauna na mga nag-alabutan.
Suno kay Magbanua nga indi na kinahanglan nga hulaton nga mapuno ang mga ospital kag maubos nga malatnan sang virus ang mga medical frontliners.
Gindugang pa sini nga nagakinahanglan sang mga medical frontliners sang pahuway bisan sa madali lang nga tinion.
Magluwas diri, suportado man sang Sangguniang Panlalawigan ang panawagan nga re-classification sang probinsiya, madasig nga pagtukod sang RT-PCR testing laboratories, dugang nga mga health facilities, kag paghatag sang kumpleto nga Personal Protective Equipment (PPE’s).//
Ang nasambit nga lihok sang Sangguniang Panlalawigan ang kabahin sang sabat sa panawagan sang Capiz Medical Society.
