-- ADVERTISEMENT --
Patay ang 14 ka bag-ong bun-ag nga mga lapsag kasunod sang daku nga sunog sa Pakistan Institute of Medical Sciences (PIMS) sa Islamabad, Pakistan.
Sa imbestigasyon sang mga otoridad, nag-umpisa ang kalayo sa isa ka air-conditioning unit kag madasig nga naglapta bangud sa presensya sang konektado nga oxygen lines.
May 15 ka mga bag-ong bun-ag sa ward sang nagluntad ang sunog, kag isa lang ang naluwas.
Igapaidalom sa DNA testing ang mga bangkay agud makilala sang mga ginikanan ang ila mga kabataan.
Luyag ni Pakistani President Asif Ali Zardari nga manabat ang mga responsable kag ang mga opisyal sang ospital pasakaan sang kaso nga kapabayaan.
-- ADVERTISEMENT --
