-- ADVERTISEMENT --
Patay ang 14 ka mga bag-ong bun-ag nga lapsag matapos nagluntad ang daku nga sunog sa Pakistan Institute of Medical Sciences ukon PIMS sa Islamabad, Pakistan.
Suno sa mga otoridad, nag-umpisa ang kalayo sa air-conditioning unit kag madasig nga naglapta bangud sa oxygen supply.
May 15 ka bag-ong bun-ag nga lapsag sa ward sang nagluntad ang sunog, kag isa lamang ang nakaluwas.
Natalana naman nga ipadalum sa DNA testing ang mga bangkay agud makilala sang mga ginikanan ang ila mga kabataan.
Samtang, ginpasigurado naman ni Pakistan President Asif Ali Zardari nga mapanabat ang mga responsable sa insidente.
-- ADVERTISEMENT --
