14 ka mangingisda, dakop nga nagapatigayon sang iligal nga pagpangisda sa banwa sang Panay

Dakop ang 14 tanan ka mga mangingisda nga nagapatigayon sang iligal nga pagpangisda sa kalalawran nga sakop sa banwa sang Panay.

Sa impormasyon nga nagikan sa Panay Municipal Police Station, ginapahayag nga ang amu nga mga mangingsida nga ginapangunahan sang ila nga kapitan sa sakayan kag kaupod ang 13 ka mga crew members ang lunsay mga residente sang Brgy. Poblacion banwa sang Pilar.

Nakuha sa paghinakop sang mga nagkaladakpan ang tatlo ka unit sang motorbanca, mga fishing materials kag 25 kilos nga nanari-sari nga mga isda.

Samtang Wala naman sang ginpakita nga permit ang mga nagkaladakpan angut sa pagpatigayon sang ila nga pagpangisda.

Sa karon yara na ang mga ini sa paghinakop sang MENRO-LGU Panay para sa nagakaigo nga disposisyon.