ROXAS CITY -Ginkompirmar sang isa ka dispatcher sa Roxas City Integrated Transport Terminal (RCIIT) nga nagsugod na sang biyahe ang Maldita Van Group nga nagabiyahe sa premier distrito sang probinsiya sang Capiz.
Ini ang ginpahayag ni Mr. Brags sang mainterview sang Bombo Radyo.
Ginpahayag ni Brags nga 14 ka unit nila ang nagsugod na biyahe kahapon nga adlaw.
Apang gin-athag sini nga 9 lamang ka pasahero ang ginapasugtan nga magsakay agud mapabilin ang social distancing policy.
Ginkompimar man sini nga nagpasaka sang pagsuluktan sa pamasahe ang Maldita Van Group.
Suno diri nga P90 na ang minimum nga pamasahe sa van halin sa termnal padulong sa mga kabanwahanan sa premier distrito sang Capiz.
Gindugang pa sini nga may yara sang gin-issue nga aprubado nga taripa ang Land Transportation Franchising and Regulatory Board (LTFRB) para sa bag-o nga pagsuluktan sa pamasahe.
Samtang ginpahayag man ni Brags nga wala pa sang iban nga mga pampubliko nga salakyan nga nagabiyahe bangud wala pa nakakuha sang special permit gikan sa LTRFB.
