Indi magnubo sa 14 ang nareport nga napatay bangud sa epekto sang Severe Tropical Storm Opong kag sang damlag lang nga Super Typhoon Nando, suno sa National Disaster Risk Reduction and Management Council (NDRRMC).
Suno sa Office of Civil Defense Officer-in-Charge nga si Asec. Rafaelito Alejandro IV, iya ginpahayag 17 ang pilason samtang duha ang nagapabilin nga missing.
Sa isa ka press briefing sang NDRRMC headquarters sa Camp Aguinaldo, gina-monitor sang mga otoridad ang mga report sang casualties may kaangtanan sa malain nga panahon.
Isa ka semana matapos gin-igo sang Nando ang northern Luzon, nagpaguwa sang mabaskog nga hangin kag mabaskog nga pag-ulan si Opong sa bug-os nga Luzon kag Visayas, nga may kabaskugon nga hangin sentral nga 110 km/h kag pagmadlos nga 150 km/h, base sa pinakaulihi nga bulletin halin sa PAGASA.
Ginreport sang NDRRMC, halos 121,000 ka mga pamilya ukon katumbas sang 430,000 ka mga indibidwal ang gin-evacuate gikan sa nagkalain-lain nga rehiyon.
Nahibaluan nga una na nga ginmanduan ni President Ferdinand Marcos ang NDRRMC kag mga natungdan nga ahensya nga i-maximize ang resources sang gobyerno para sa relief kag rehabilitation operations sa mga komunidad nga gin-igo sang bagyo Opong kag Nando.
Pahayag pa sang Opisyal, sa mando ni President Ferdinand Marcos Jr. kag ni Defense Secretary Gilbert Teodoro, nagapadayon sila sa paghatag sang bulig tubtob masarangan nila sa mga pumuluyo.
