Natalana nga iga-atubang ni Alice Guo ang 14 ka mga testigo sa hearing sang korte sa iya petition for bail.
Ini ang kaangut sang iya nga kaso nga qualified trafficking nga nakabinbin sa Pasig Regional Trial Court Branch 167.
Gintalana naman sang nasambit nga korte ang marathon hearing sa Oktobre-22 kag Oct 23 para sa petisyon ni Guo nga makafile sang piyansa para sa iya nga temporaryo nga kahilwayan.
Suno kay Atty. Nicole Jamilla, ang legal counsel sang mayor, may yara sang 30 ka adlaw para pagdesisyunan kun pasugtan si Guo nga magfile sang piyansa.
Trabaho suno sang prosekusyon nga pamatud-an sa korte nga ang pagkasala ni Guo ang mabug-at kag hindi na siya dapat hatagan sang temporaryo nga kahilwayan.
Sa karun, yara nagapabilin sa Pasig City Jail ang na dismissed nga mayor.
