ROXAS CITY -Natumba ang pito ka mga street lights matapos nga ginaalegar ginsanggit sang isa ka 14- wheeler Wing Van Truck sa Pueblo de Panay, Barangay Lawaan, Roxas City.
Ginkilala ang driver sang nasambit nga salakyan nga si John Benedicto 28 anyos sang Barangay Linateran, Panay, Capiz.
Base sa inisyal nga imbestigasyon sang Roxas City PNP,nga samtang ginasubay sang driver ang nasambit nga salakyan padulong sa Brgy. Dinginan sining siyudad hinali na lamang nga nasanggit sini ang cable sang kuryente rason nga natumba ang mga poste.
Bangud diri, temporaryo nga ginpasarado sa mga umalagi ang karsada kun sa diin natabo ang insidente.
Samtang, gilayon naman nga gindala ang driver kag ang nasambit nga salakyan sa Roxas City Police Station para sa nagakaigo nga disposisyon.
Padayon naman ang imbestigasyon sang mga kapulisan sa nagluntad nga insidente.
