1,400 nga coco lumber, nasapwan sang mga pulis sang Jamindan

JAMINDAN, CAPIZ – Nakit-an sang nagapatrolya nga mga pulis sa banwa sang Jamindan ang mil 400 ka mga coco lumber ukon 38 ka puno sang lubi sa Barangay Pasul-o, Jamindan, Capiz.

Gintabunan lamang ang ginpang-utod nga puno sang lubi sang wala makilala nga mga indibidwal.

Wala sang mga indibidwal nga naabtan ang mga pulis sa lugar sa diin nakita ang utod nga mga puno sang lubi.

Natalana ini nga i-turn over sang mga katapu sang Jamindan PNP sa Philippine Coconut Authority (PCA) Capiz.