ROXAS CITY-Pilason ang 15-anyos nga lalaki matapos nga ginaalegar ginbuno sang 14-anyos nga lalaki sa Sitio Nipa, Barangay Culasi, Roxas City.
Ginkilala ang biktima nga si Alyas ar-ar 15-anyos residente sang nasambit nga lugar.
Sandig sa imbestigasyon sang Roxas City Police Station nga ginsumbag sang biktima ang suspetsado nga si Alyas Rap-Rap sang nasambit man nga lugar matapos nga ginaalegar nagpanghaboy sang bato kag nagpanid-ing sa ila nga balay.
Apang, lipod sa ihibalo sang biktima nga may yara sang hinganiban si Rap-rap kag gilayon ini nga ginbuno.
Nag-angkon naman sang pilas sa hita ang biktima nga gilayon naman nga gindala sa ospital.
Samtang, yara na karon sa temporaryo naman nga ginkustodiya sa puloy-an sang pagpalangga Crisis Center sa siyudad ang amo nga suspek
