ROXAS CITY – Patay ang 15-anyos nga menor de edad matapos nalumos sa Barangay Esperanza, Jamindan, Capiz.
Base sa Jamindan Municipal Police Station nga nagpadulong sa Agluway River ang biktima nga si alyas Junjun nga residente sang Barangay Pangabuan sang amo nga banwa kaupod ang apat pa sini ka mga kaupdanan nga lunsay mga menor de edad.
Apang, ginapahayag nga nadanlog ang mga ini bangud sa mabaskog nga impact sang tubig.
Luwason pa kuntani ang biktima sang iya mga kaupdanan apang gin-anod man ini sang tubig sa madalom nga porsyon sang amo nga suba.
Bangud diri, wala na nakabutwa ang nasambitan nga biktima.
Gilayon man nagresponde ang mga katapo sang Bureau of Fire Protection ukon BFP-Jamindan sa lugar.
Gintinguhaan pa nga madala sa Mambusao District Hospital si alyas Junjun apang gindeklarar man ini nga dead on arrival sang attending physician.
