Yara na sa kustodiya sang Philippine Coast Guard (PCG) ang 15 ka mga Filipino survivors kag bangkay sang Duha ka napatay nga crew members sang M/V Devon Bay matapos nga ginturn-over sang Chinese Coast Guard (CCG).
Suno sa pahayag sang PCG, narekober ang mga Pinoy crew members matapos ginpatigayon ang turnover operation sa tunga sang PCG kag CCG 168 nautical miles west sang Tambobong, Pangasinan.
Suno sa PCG, ginsaylo ang mga Pinoy pinaagi sa rigid-hull inflatable boats bangud sang mataas nga balod nga nagpugong sa pag-abot sang duha ka barko.
Samtang, naga-coordinate man ang PCG sa pamilya sang duha ka napatay agud mahatagan sang nagakaigo nga pag-lubong ang mga biktima.
Ginalauman nga maga-abot sa Pier 13 sang Port Area sa Manila, subong ga aga ang 17 ka mga crew nga sakay sang BRP Teresa Magbanua (MRRV-9701).
Ginpasalig naman sang PCG nga padayon pa ang search and rescue operations para sa 4 nga nabilin nga missing.
Samtang, dako naman ang pagpasalamat ni PCG spokesperson Captian Neomie Cayabyab sa humanitarian assistance sang CCG agency agud masiguro ang pagpreserbar sang kabuhi sa kadagatan.
