ROXAS CITY – Wala sang pagpangduha-duha nga ginpresentar sang 15 tanan ka mga sikad drivers nga nag-negatibo ang resulta sa drugtest sa banwa sang Sigma.
Sa interview sang Bombo Radyo kay Hon. Felipe Neri Yap, Alkalde sang Banwa sang Ivisan, ginapahayag sini nga nag-abot na kag napresentar na sang 15 tanan ka mga sikad drivers ang negatibo nga resulta sang drugtest.
Matandaan nga sadtong nakaligad nga mga binulan sang nahitabo ang pagpanghimolos sang isa ka sikad driver sa dalagita nagpapanaog sang executive order ang alkalde sang banwa kun sa diin temporaryo nga ginrevoke ang mga Mayor’s permit sang mga sikad driver sa diin pagatugutan lamang sila nga maka-biyahe kun makapaidalum na sila sa drug test.
Apang bangud sa proseso nga dapat paga-agyan bag-o makapatigayon sang drugtest ang tanan nga sikad driver sa amo nga banwa tubtob subong ginahulat pa ini.
Sa masubra 200 nga sikad drivers, 15 sa ila ang nagdesisyon nga gastusan ang ila pagpadrugtest agud gilayon ini nga malimpyo ang pangalan, mapamatud-an nga wala ini sila naga-engage sa illegal nga droga.
Gindayaw naman ini sila sang alkalde sang banwa sa ila ginhimo nga pagmato-mato. Luyag lang sunu nila nga protektahan ang ila kaugalingon kag ang pangalan sang ila grupo nga mga sikad drivers.
Sa karon, natapos na ang 1st batch ginatinguhaan naman sang alkalde sang banwa nga mapadali pa ang pagpaidalaum sang drugtest sang mga nabilin nga drivers.//
15 ka mga sikad drivers sa banwa sang ivisan nga nagpadrug test, nagnegatibo
-- ADVERTISEMENT --
