ROXAS CITY – Luwas na ang 15 ka mga tripulante sang isa ka sakayan pangisda nga naglugdang sa kadagatan nga sakup sang Barangay Olutayan, Roxas City.
Sa interview sang Bombo Radyo Roxas kay punong barangay Manuel ”Bong Bong” Aninang sang Barangay Olutayan, ginpahayag sini nga maswerte nga nasampay sa ila nga lugar ang mga crew sang FB 3L matapos naglugdang ang palupad nga sakayan kaina sang kaaganhon.
Magapauli na kuntani ang mga mangingisda sa Barangay Banica sang wala nila ginalauman nga hampakon sang mabaskog nga balud ang ila sakayan.
Matapos napakaon kag napailisan sang bayo ang mga mangingisda gindala sila ni punong barangay Aninang sa Barangay Agojo sa banwa sang Panay, sa diin nagahulat ang tag-iya sang sakayan pandagat nga si Vicente Licanto.
