158 ka lugar yara na sa idalum sang state of calamity – NDRRMC

Nagdangat na sa 158 ka lugar sa bug-os nga pungsod ang nadeklara sang state of calamity bangud sa bagyong Kristine.

Suno sa National Disaster Risk Reduction and Management Council (NDRRMC) nga ang pinakamadamu amo ang Bicol region nga may yara sang 78 ka lugar nga ginsundan sang Calabarzon nga may yara sang 63 kag Eastern Visayas nga may yara sang 13.

Ang mga probinsiya sang Albay, Camarines Sur, Camarines Norte kag Catanduanes ksaubong man  ang Bulan sa Sorsogon ang mga lugar nga pinaka-ulihi nga nagdeklara sang state of calamity.

Ginpahayag naman ni NDRRMC spokesman Edgar Posadas nga naghiwat sa gihapon sila sang mga validation sa insakto  nga numero sang mga napatay nga una na nga nareport nga yara sa 100 na.