ROXAS CITY – Nagapadayon sa karon ang imbestigasyon sang mga kapulisan sa ginaalegar paghikog-patay sang isa ka dalagita sa Sitio Busay, Barangay Timpas, Panit-an, Capiz.
Patay na sang nasapwan ang wala na ginhingadlan nga 16 anyos nga biktima samtang nagabitay sa sulod sang iya nga hulot.
Sa interview sang Bombo Radyo Roxas sa OIC Chief of Police sang Panit-an Municipal Police Station nga si Police Inspector Achilles Fangco, Jr., ginpahayag sini nga ginkatingala sang mga ginikanan sang biktima bangud wala sa gihapon ini naggaguha sa iya nga kwarto.
Sang ginsulod ang hulot, mismo ang amay sini ang nakakita sa biktima nga nagabitay na gamit ang pisi nga ginhigot sa ila nga balayan.
Suno naman sa mga ginikanan sang biktima, wala nila nakitaan sang depresyon ang ila anak rason nga ila ginkatingala kun ano ang tul-id nga rason sang biktima sa pag-utas sang iya kaugalingon nga kabuhi.
