Gin-promote sang Department of Education sa pagpanguna ni Secretary Sonny ang 16,025 ka mga manunudlo subong nga tuig.
Suno sa DepEd, 41,183 pa ka mga manunudlo ang naproseso kag natalana nga isumiter sa Department of Budget and Management para sa masunod nga batch sang promosyon.
Ini nga tikang kabahin sang Expanded Career Progression system nga ginapatuman sa idalum sang administrasyon ni Presidente Ferdinand Marcos Jr. agud masiguro nga ang mga manunudlo makaeksperyensya sang promosyon samtang yara pa sa aktibo nga serbisyo.
Isa sa mga benepisyaryo amo si Claire Eusebio gikan sa syudad sang Tabuk nga nagsaka halin sa Teacher III pakadto sa Teacher VI matapos ang 21 ka tuig nga pagtudlo.
Ginpahayag ni Angara nga ang katuyuan sang reporma amo ang pagdula sang upang sa promosyon kag paghatag sang bili sa dedikasyon sang mga manunudlo.
Sa kabilugan, linibo ka mga manunudlo sa bug-os nga pungsod ang natalana nga makabenepisyo gikan sa sini nga sistema nga nagatuyo sa pagpabakod sang ila propesyonal nga pag-uswag.
