Nakarekord sang 16 ka election-related incidents ang Police Regional Office-Bangsamoro Autonomous Region ukon PRO-BAR sa una nga parliamentary elections sa Bangsamoro Autonomous Region in Muslim Mindanao ukon BARMM.
Suno kay PRO-BAR Regional Director Police Brigadier General Christopher Abecia, pila sa mga narekord nga insidente ang pagpangluthang, pagpang-ambush kag pagpalupok.
Base sa pinakaulihi nga data sang COMELEC, apat ang patay samtang 19 ang pilason sa mga insidente may kaangtanan sa BARMM elections.
Tatlo sa mga napatay kag 15 sa mga pilason ang mga biktima sang pagpangluthang sa Datu Usman Mampen school site sa Barangay Bagua 2, Cotabato City, samtang isa ang patay kag tatlo ang pilason sa nagluntad nga kinagamo sa Pilot Central Elementary School.
Bangud sang mga insidente sang kalakasan kag natukiban ang pre-shaded nga mga balota, ginpaidalom sang COMELEC sa under control ang Cotabato City kag Maluso, Basilan, kon sa diin 36 sa 68 ka mga presinto ang ginreport nga nakompromiso.
