16 nadakpan nga naglapas sa curfew hour sa ikawalo nga adlaw nga pagpaidalum sa MECQ sang Roxas City

16 ka mga indibidwal ang nadakpan nga nagalapas sa curfew hour sa syudad sang Roxas.

Gindala sang mga kapulisan ang mga curfew violators sa Crisis Center matapos nalabayan sang nagaroving nga mga pulis nga yara pa sa dalan bisan disoras na sang gab-i.

Nahibaluan nga 3 sa 16 ka mga violators ang ginreleased na bangud mga 1^st offenders pa lamang sila apang ang 13 ka nabilin ang 2^nd and 3^rd violation offenders na.

Nagpatigayon sila sang walo ka oras nga community service bilang paglapas sa pagsulundan.

Nahibaluan nga istrikto nga ginapatuman ang curfew hour bangud sa pagtaas sang kaso sang COVID-19 sa syudad sang Roxas kag sa pagpaidalum na sa Roxas City sa Modified Enhanced Community Quarantine (MECQ).