MANILA, Philippines – Nadiskubre ang 160,000 ka Flying fox sa kagubatan sang Banisilan, Cotabato matapos ang duha ka adlaw nga population count kag roost site assessment sang nagligad nga bulan.
Ginpatigayon ang monitoring sang Department of Environment and Natural Resources -12 Community Environment and Natural Resources Office Midsayap kaupod ang Municipal Environment and Natural Resources Office, barangay local government units kag on-the-job trainees sang Notre Dame sang Midsayap College.
Sa ginhiwat nga assessment humalin ang Abril 29 tubtob 30, nagtutok sa fly-out counts kag evening dispersal patterns sa roost site.
Lakip sa nakita sang reasearcher ang tatlo ka species sa lugar, isa sa nakita ang critically endangered golden-crowned flying fox, endangered large flying fox kag island flying fox.
Suno sa mga researchers, nagsugod ang “Rush Hour”, sang paniki mga alas 5:30 sang hapon kag nag-peak alas 5:50 sang gab-i kun sa diin ginabanta nga ginatus ka paniki kada segundo ang nagalupad tubtob magsirom ang palibot.
Pahayag sang environmental officials ang flying foxes ginakabig nga “Silent Reforesters”, bangud sang madasig nga paglapta sang binhi kag pagpatubo liwat sang kagulangan.
Sa karon ginaduso man sang mga otoridad ang pagpaprotektar sang habitat sa Sitio Kalantay bangud nakita nga padayon nga nagadamo ang populasyon sang mga paniki sa lugar.
