17-anyos nga lalaki nakuryente sa banwa sang Sapian

ROXAS CITY – Ginpadangat sa ospital ang 17 anyos nga lalaki matapos makuryente sa sitio Bajay Barangay Agsur, Sapian subong nga gab-i.

Ginkilala ang biktima kay alyas Nonoy residente sang amu nga barangay.

Sandig sa nakuha nga impormasyon sang Bombo Radyo Roxas, nagapatigayon sang clearing operation ang CAPELCO sa lugar.

Ginapahayag aksidente nga nasalapay sang biktima ang naga-luyloy nga kuryente.

Madasig naman nga ginpadangat sa ospital ang biktima sang mga residente kag mga katapo sang CAPELCO para sa pagbulong.