17 katao patay sa pag-atake sang Russia sa Ukraine

Indi magnubo sa 17 ka tawo ang napatay samtang 40 naman ang pilason sa pagpang-atake sang Russia sa Kyiv, Ukraine.

Naigo sa pag-atake ang pila ka apartment building, bodega, eskwelahan kag isa ka ospital para sa mga kabataan.

Suno kay Kyiv Mayor Vitali Klitschko, liwat nga gintarget sang Russia ang mga kritikal nga imprastraktura sa syudad.

Bangud sa insidente, linibo ka mga panimalay ang nadulaan sang kuryente kag posible man maapektuhan ang suplay sang mainit nga tubig sa pila ka distrito.

Nagpanawagan naman si Klitschko sang dugang nga air defense missiles agud maprotektahan ang Kyiv batok sa masunod nga pag-atake.