Nagbaton sang P5,000 nga Cash Relief Assistance ang 1,776 tanan ka mga tricycle drivers gikan sa kabanwahan sang Cuartero, Dao, Dumalag, Maayon kag Panay, Capiz subong nga adlaw, Abril 16, 2026.
Sa interview sang Bombo Radyo kay Therese Fely Legaste, Public Information Officer sang Department of Social Welfare and Development Field Office 6, iya ginpahayag nga padayon ang pagpanagtag sang ila nga talapan sang amo nga ayuda para natungdan nga sector.
Suno kay Legaste, magapanagtag naman bwas Abril 17 sa banwa sang Panitan kag Pilar kag padayon na ang ini nga pagpanagtag sang ayuda para sa mga tricycle driver sa probinsya sang Capiz.
Pahayag niya, target sang ila talatapan nga mahatagan ang masobra 10,000 ka mga tricycle drivers sa probinsya antes matapos ang bulan sang Abril.
Nahibaluan nga ang amo nga cash relief assistance nagikan sa gobyerno nagatuyo nga mapahagan-hagan ang ginapas-an sang mga tricycle driver sa gastuson sa adlaw-adlaw kadungan sang ginapagatubang nga krisis.
Nagpahanumdom naman ang natungdan para sa mga tricycle drivers nga siguraduhon nga insakto ang tanan nga mag requirements nga ginapanagyo sang talatapan agud nga mahatagan sang amo nga ayuda.
Interviewed by Bombo Vinz Lingco Deocampo | via Bombohanay sa Udto
