18-anyos nga babaye pilason matapos aksidente nga nabungguan sang SUV nga salakyan ang ginamaneho nga motorsiklo

ROXAS CITY – Padayon sa karon nga gina-obserbahan sa isa ka ospital ang 18 anyos nga babaye matapos aksidente nga nabungguan sang isa ka SUV nga salakyan ang ginamaneho sini nga motorsiklo sa Barangay Tanza Gua, Roxas City.

Ang nasambit nga biktima ang ginkilala kag Franciene Dellava sang Barangay Tiza, sining siyudad.

Base sa inisyal nga impormasyon nga nakuha sang Bombo Radyo, samtang ginasubay sang biktima ang dalanon sa Barangay Tanza Gua, nag-U-turn ini apang aksidente nga nabungguan sang isa ka SUV nga salakyan nga ginamaneho ni Steen Dy, 34 anyos sang Barangay 1, Roxas City.

Gilayon nga gindala sa ospital ang biktima agud madapatan sang nagakaigo nga pagbulong.