ROXAS CITY – Nagapadayon sa karon ang hot-pursuit operation sang mga kapulisan sa 18 anyos nga tiyo nga ginaalegar nag-molestiya sa 7 ka tuig nga gumangkon sini sa isa ka barangay sa siyudad sang Roxas.
Mahibaluan nga nagdangop sa pulisya ang ginikanan sang biktima matapos mahibaluan ang pagpanghimulos sang suspek sa iya gumangkon.
Base sa nakuha nga impormasyon sang Bombo Radyo, ginkatingala sang iya nga amay ang hinali nga pagkamahipuson sang anak sini.
Sang ginpamangkot sang iya mga ginikanan, gilayon nga nagsugid ang biktima nga ginamolestiya ini sang iya nga tiyo.
Ginpahayag pa sang biktima nga nahadlok siya sa iya nga tiyo rason nga wala ini gilayon nakasugid sa iya ginikanan.
Sa karon, yara na sa Women and Children Protection’s Desk sang Roxas City Police Station ang nasambit nga kaso.
