Gin-kwestyon ni Senate President Pro Tempore kag Blue Ribbon Committee chair Panfilo “Ping” Lacson ang kredibilidad sang 18 ka mga indibidwal nga nagpapakilala nga anay mga soldado nga ginaangut sa ginaalegar P805 billion cash delivery scheme nagikan sa flood control projects.
Suno kay Lacson, antes in inga ginpatawag sa hearing, kinahanglan nga mausisa anay ang ila ginhalinan kag ang kamatuuran sang ila nga mga alegasyon agud indi nga mangin ‘sirku’ ang imbestigasyon sang komite.
Ginsiling man sang senador nga nagpatigayon na siya sang background investigation kag beripikasyon sa mga pahayag sang mga nasambit nga indibidwal, samtang bukas naman ini nga makigsapol kay Atty. Levito Baligod nga nagarepresentar sa mga ini agud maathagan ang ila nga testimonya.
