-- ADVERTISEMENT --
Wala nagtambong sa ginpatigayon nga Blue Ribbon Committee hearing subong nga adlaw Hunyo 8, 2026 ang 18 ka anay bodyguards ni anay Cong. Zaldy Co, bisan yara na sila sa sulod sang Senado.
Una na nga ginpahayag sang ila abogado nga si Atty. Levito Baligod nga na-late ang iya mga kliyente bangud sang mabug-at nga trapiko.
Samtang suno naman kay Sen. Erwin Tulfo, chairperson sang Blue Ribbon Committee, imbitado ang mga anay bodyguards sa hearing pero nagpili sila nga magpabilin sa opisina ni Robin Padilla kag didto na lamang mag-monitor sang nagapadayon nga pagdinig.
Wala naman sang dugang nga pahayag ang kampo sang mga anay bodyguards kun ngaa wala sila nagtambong sa komite.
