18 ka anay mga miyembro sang rebelde nga grupo, nakabaton sang bulig pinansyal nagikan sa gobyerno probinsyal

ROXAS CITY – Nakabaton sang bulig pinansyal nagikan sa gobyerno probinsyal, ang 18 ka mga anay miyembro sang New People’s Army (NPA).

Mahibaluan nga ginpangunahan mismo ni Capiz Governor Fredenil “Oto” Castro ang distribusyon sang bulig sa mga resipyente nga nagtiwalag sa grupo agud magpanumbalik sang suporta sa gobyerno.

Ang nasambit nga grupo ag nagikan sa banwa sang Tapaz kag Cuartero.

Isa lamang ini ka tikang sang gobyerno agud mabuligan ang mga anay rebelde nga makabalik sa normal kag malinong nga pagpangabuhi kaupod ang ila tagsa ka pamilya.