ROXAS CITY – Nagalab-ot sa kapin 18 ka mga bar and club owners ang nakarehistro sa Bar Owners Association sa Capiz sang tinalikdan nga tuig.
Ini ang ginkumpirmar ni President Roxas Mayor Receliste “Tanoy” Escolin nga presidente sang nasambit nga asosasyon sang ma-interview sang Bombo Radyo.
Suno kay Escolin nga sa nasambit nga numero nga nakarehistro sang tinalikdan nga tuig, may pila diri nga sarado na rason nga indi sini matul-id kun pila ka mga bar and club owners ang nagaproseso sang ila dokumento agud makakuha sang permit.
Gindugang pa ni Escolin nga bilang tag-iya sang KTV bar, obligado sila nga magproseso sang mga permit agud legal nga maka-operate ang ila establisyemento.
Ginkumpirmar ni Escolin nga nakarenew na sang lisensiya ang iya ginapanag-iyahan nga KTV bar sa subong nga tuig.
Suno diri nga ginapaidalom sini sa weekly check up ang iya mga commercial sex workers nga naga-trabaho sa iya nga KTV bar agud wala sang indibidwal nga mahalitan ang ila ikaayong lawas kag lunsay may yara sila sang pink card.
Samtang nagapasalamat naman si Escolin sa mga City Councilors nga luyag magpatigayon sang inspeksyon sa mga bars kag clubs agud mahibaluan kun nagasunod sa insakto nga proseso ang mga tag-iya sang nasambit nga mga establisyemento.
Naga-apelar naman si Escolin sa mga tag-iya sang bar and clubs nga likawan ang paggamit sang mga menor de edad nga magtrabaho sa ila nga mga bar bangud may yara sang dako nga penalidad nga pagaatubangon ang mga tag-iya nga madakpan.
