18 ka mga Ex-Marines, handa nga isa-isahon ang iban pa nga mga mamamalidha nga nakabaton sang maleta nga kuwarta

Ginkumpirma ni Atty. Levito Baligod nga suno sa mga 18 ka mga anay bodyguards, madamo pa nga mga kongresista kag senador ang ginpahayag nakabaton sang mga maleta nga puno sang kwarta.

Suno kay Baligod, ang mga una nga ginhingadlan sang mga testigo ang lunsay mga kilala nga personalidad nga masami makita sa mga balita.

Dugang sini nga luyag sang 18 ka mga bodyguards nga magtambong sa hearing sa Kamara kag Senado agud ipakita kag matumod ang iban pa nga mga mamalidha kun sin-o ang ila gin-alegar ginhatagan sang maleta.

Ginpanindugan sang abogado nga handa ang mga testigo nga ipresentar ang ila nahibaluan sa nagakaigo nga forum kag sa idalom sang nagakaigo nga proseso sang imbestigasyon.